កម្លាំងជំនាញ ខណ្ឌរដ្ឋបាលជលផលខេត្តកំពង់ឆ្នាំង ចុះបង្ក្រាបបទល្មើសនេសាទ របាំងស្បៃមុង រុះរើនិងបំផ្លាញចោល ក្នុងស្រុកជល់គិរី ក្នុងរដូវការបិទនេសាទ...
សហការជាមួយសហគមន៍នេសាទភូមិពាមពពេច ដឹកនាំដោយ លោក នួន ឬទ្ធី នាយផ្នែករដ្ឋបាលជលផលកំពង់ប្រាសាទ កម្លាំងចូលរួមសរុប ៥ នាក់ និងមធ្យោបាយកាណូត ០១ គ្រឿង បានចុះប្រតិបត្តិការប្រទះឃើញការធ្វើនេសាទដោយឧបករណ៍របាំងស្បៃមុង ស្ថិតនៅចំណុចមេទឹកដីក្រហម មេទឹកសារកា ភូមិកោះថ្កួវ ឃុំកោះថ្កូវ ស្រុកជលគិរី ខេត្ត កំពង់ឆ្នាំង ដែលខុសទៅនឹងច្បាប់ស្តីពីជលផល។
ក្នុងនោះសមត្ថកិច្ចយើងបានឯកភាពគ្នា ធ្វើការរុះរើ បំផ្លាញចោលនៅនឹងកន្លែង វត្ថុតាងរួមមានខាងក្រោម៖
រុះរើរបាំងស្បៃមុងចំនួន០២ករណី ស្មើនឹង ៦១ កន្លែង ប្រវែង ១៣៥០ ម៉ែត្រ លូស្បៃមុងចំនួន ៦១គ្រឿង បង្គោលចំនួន ៦៥០ដើម និងចាក់លែងត្រីចម្រុះចូលដែននេសាទវិញចំនួន ៧០គីឡូក្រាម។
