ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនដល់មន្រ្តីនគរបាលជាតិ នៃស្នងការដ្ឋាននគរបាលខេត្តកំពង់ឆ្នាំង ក្រោមអធិបតីភាពលោកឧត្តមសេនីយ៍ទោ ខូវ លី ស្នងការនគរបាលខេត្ត។
ក្នុងឱកាសនេះដែរលោកឧត្ដមសេនីយ៍ មានមតិសំណេះសំណាលសួរសុខទុក្ខផ្ដាំផ្ញើរ និងបានកោដសរសើរពីគំរូវីរភាពអង់អាចដែលហ៊ានលះបង់ពេលវេលាផ្ទាល់ខ្លួនមកបម្រើសេវាជូនប្រជាពលរដ្ឋ ប្រកបដោយស្មារតីទទួលខុសត្រូវខ្ពស់ ដើម្បីភាពសុខសាន្ដជូនដល់បងប្អូនយើង រួមទាំងសង្គមជាតិទាំងមូលផងដែរ មិនតែប៉ុណ្ណោះលោកក៏បានណែនាំឲ្យមន្រ្ដីនគរបាលយើងខិតខំយកចិត្តទុកដាក់ធ្វើការងារឲ្យបានល្អ មានការទំនាក់ទំនងល្អ និងមានសាមគ្គីភាពល្អជាមួយមេកើយ មិត្តរួមការងារ អាជ្ញាធរគ្រប់លំដាប់ថ្នាក់ និងបងប្អូនប្រជាពលរដ្ឋយើងផងដែរ។
ហើយក្នុងឱកាសបុណ្យចូលឆ្នាំប្រពៃណីជាតិនាពេលខាងមុខនេះ លោកឧត្តមសេនីយ៍ ស្នងការ បានជូនពរដល់កងកម្លាំងនគរបាលយើងទាំងអស់ជួបប្រទះតែសេចក្ដីសុខ សុវត្ថិភាព រកទទួលទានមានបាន សម្រេចបានជោគជ័យគ្រប់ភារកិច្ចគ្រប់ក្រុមគ្រួសារ និងពុទ្ធពរទាំង៤ប្រការគឺអាយុ វណ្ណៈ សុខ: និងពល:កុំបីឃ្លៀងឃ្លាតឡើយ ៕
