ទីតាំងមាន់ជល់តាមអនឡាញ លួចបង្កប់ តាមហាងលក់កាហ្វេ១កន្លែង កំពុងបេីកលេងយ៉ាងពេញបន្ទុក ក្នុងស្រុកសន្ទុក ចំណែកឯលោកវរសេនីយ៍ឯក ម៉ៅ ចាន់ធី អធិការ អធិការស្រុកសន្ទុកតើមានសម្ថភាពបង្រ្កាបដែលរឺទេ???
សេចក្តីរាយការណ៍ បានបង្ហេីបទៀតថា ទីតាំងបនល្បែង{ជល់មាន់}ខុសច្បាប់ តាមអនឡាញ មួយកន្លែងស្ថិតក្នុង ភូមិកំពប់អំបិល ឃុំបឹងល្វា ស្រុកសន្ទុក ខេត្តកំពង់ធំ ។
ដោយឡែកកន្លែង១នេះមានអ្នកចូលទៅលេងយ៉ាងច្រើនកុះករ ភ្នាល់ដាក់លុយមួយគូៗ រាប់ម៉ឺនរៀល ទៅរាប់សែនរៀលអ្នកខ្លះចាញ់ល្បែងអស់លុយរាប់លានរៀលក៏មានដែរក្នុងមួយថ្ងៃៗ ចំណែកឯលោកវរសេនីយ៍ឯក ម៉ៅ ចាន់ធី អធិការ អធិការស្រុកសន្ទុក មិនមានចាត់វិធានការទប់ស្កាត់និងបង្ក្រាបសោះឡើយសង្ស័យជាឆ្មំាងបាយ
ជុំវិញករណីបនល្បែងសុីសងខុសច្បាប់នេះ ប្រជាពលរដ្ឋរស់នៅក្នុង ស្រុកសន្ទុកខេត្តកំពង់ធំ បានលើកឡើងថាៈ ធ្វើឲ្យពួកគាត់មានការព្រួយបារម្ភជាខ្លាំង អំពីសុវត្ថិភាពគ្រួសារ ខ្លាចកើតមានបញ្ហាអសន្តិសុខ(ពោលគឺ)ដូចជា អំពើចោរកម្ម ចោរលួច ឆក់ ប្លន់ និងអំពើហិង្សាក្នុងគ្រួសារជាដើម។ល។
សូមរំលឹកថាៈ កាលពីថ្ងៃ ទី១៧ ខែកញ្ញា ឆ្នាំ២០២២ បានកន្លងផុតទៅថ្មីៗនេះ សម្ដេចតេជោ ហ៊ុន សែន បានដាក់បទបញ្ជាឲ្យ គណៈអភិបាល ទាំង២៥ រាជធានី ខេត្ត ក្រុង ត្រូវតែបង្ក្រាបរាលើទីតាំងបនល្បែងស៊ីសងខុសច្បាប់គ្រប់ប្រភេទ ដោយគ្មានការលើកលែងឡើយ។
សម្ដេចតេជោ ហ៊ុន សែន បានបញ្ជាក់យ៉ាងដាច់ណាត់ទៀតថាៈ បើអាជ្ញាធរនិងសមត្ថកិច្ចនៅក្នុងមូលដ្ឋាន ស្រុក ក្រុង ខេត្ត ណា មិនហ៊ានចាត់វិធានការទប់ស្កាត់និងបង្រ្កាប បនល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ និងមានបញ្ហាប្រឈមនិងបាត់បង់ពីតំណែងទៀតផង៕
ទោះបីជាយ៉ាងណាក្តី មជ្ឈដ្ឋានអ្នកច្បាប់ ក៏ដូចជាមហាជនទូទៅ សូមស្នើរទទូចដល់ លោកឧ.ទោ ម៉ែន លី ស្នងការ ស្នងការនគរបាលខេត្តកំពង់ធំ សូមចាត់វិធានការទប់ស្កាត់និងបង្ក្រាប ទីតាំងបនល្បែងស៊ីសងជល់មាន់តាមប្រព័ន្ធទូរទស្សន៍អនឡាញខុសច្បាប់ ដែលកំពុងលាក់ខ្លួនពួនសម្ងំលេងនៅក្នុង(ហាងលក់កាហ្វេ)១កន្លែង ស្ថិតនៅក្នុងមូលដ្ឋានខាងលើនេះផង។
